Спорт Жеңімпаздарды салтанатты түрде қарсы алды
ҚР III қысқы жастар ойындарында шайбалы хоккейден ШҚО-ның "Торпедо" қыздар командасы мықтылықтарын танытты
Жарыс кезінде жерлестеріміз Қарағанды, Қостанай, Алматы облысы мен Алматы құрамаларын шаң қаптырды. Қыздар командасының жаттықтырушылары атап өткендей, финалдық ойында біздің команда оңтүстік астана командасының спортшыларымен кездескен. Ойын 4:3 есебімен, “Торпедоның” пайдасына шешілді. Команданың жалпы балы – 12.
- Екатерина Куценко мен Мунира Саяхаткызы екі ұпайдан команда қоржынын қампайтты, - деп бөлісті команда Instagram әлеуметтік желісінде.
Осылайша, III қысқы жастар ойындарында ШҚО құрамасы 1-орынды иеленді. Алматылық команда үш ұпайға артта қалып, 2-орынды еншіледі. Ал қола жүлде Қостанай облысының құрамасына бұйырды.
Айта кетейік, жеңімпаздар сенбі күні үйлеріне қайтып оралды. Оларды жанкүйерлері салтанатпен қарсы алды.
