Спорт "Торпедо" сыртта екінші рет жеңіске жетті
Перьмдегі "Молота-Прикамьеге" қарсы ойында жеңіске жетіп, жас қақпашы Максим Сидоров тағы да мақтауға ие болды
"Жібек жолы" кубогіне ЖХЛ-2018/2019 дәстүрлі чемпионаты аясында Перьмдегі "Молота-Прикамье" өз алаңында өскемендік "Торпедоға" есе жіберіп алды. Есеп - 2:3 (0:1, 1:0, 1:2)
Тартысты өткен бәсекеде қонақтар да екі гол салып (Александр Шин, Николай Глухов), алаң иелері де (Георгий Сергеенко, Илья Серегин) оның қарымасын қайтарып үлгерді – 2:2. бірақ матч соңына таман 54-ші минутта Максим Капитуров Андрей Белозеровтың берген шайбасын сәтті пайдаланып, торпедолықтарды алға шығарды – 3:2. Ал молотобойлықтар үш минут бойы алтауы ойнаса да, есепті теңестіре алмады.
Матч статистикасы: соққылар – 44:42, қақпаға соққы – 37:36, шайба тастау - 33:27, айып – 31:6. "Торпедо" ЖХЛ турнирлік кестесінде 14-орынға шықты (32 ойын, 35 ұпай, шайба – 91:80). келесі ойынды өскемендіктер Нефтекамскте (Башқұртстан) "Тороспен" (8-орын) өткізеді.
- Ойынның оңай болмайтынын білдік. Бұған дейін "Сарыарқадан" ұтылған "Молот" аса мұқият әрі арынды болатындығын күттік, - дейді "Торпедоның" бас бапкері Мисхат Фахрутдинов. - Сондықтан біз өз артықшылықтарымызды көрсете отырып, тек алға ұмтылуымыз керек болды. Барлығы біз ойлағандай болмады. Бірақ қақпашы Максим Сидоровтың еңбегі зор. Команданың барлық ойыншыларын жеңісетірмен құттықтағым келеді.
