Спорт Денис Ұланов екі жылдан кейін олимпиада жүлдесіне ие болды
Шығысқазақстандық ауыр атлет екі жыл бойы шешім күтіп, енді міне, 2016 жылы өткен Рио олимпиадасының қола жүлдегері атанып отыр
Ал Ашхабадта өткен әлемдік ауыр атлетика чемпионатында IWF президенті Аян Тамаш Денис Ұлановқа олимпиаданың қола жүлдесін табыс етті.
2016 жылғы Олимпиада ойындарында Денис Ұланов 85 келіге дейінгі салмақ дәрежесінде бақ сынап, төртінші орынға табан тіреген еді. Жарыс қорытындысы бойынша шығысқазақстандық ауыр атлет 390 келіні еңсерген болатын.
Сол жарыста румыниялық Габриель Синкарян отандасымызбен бірдей нәтиже көрсеткен. Бірақ румын спортшысы салмағының жеңілдігіне байланысты үшінші орынды иемденіп кетті.
Кейін Синкарянның Олимпиада ойындарында тапсырған допинг сынамасы теріс нәтиже беріп, ауыр атлет спорттан шеттетілді. Кейін оның Олимпиададағы көрсеткіші жоққа шығарылып, қола медаль Денис Ұлановқа бұйырды.
