Спорт "Торпедоның" Қорғандағы сапары сәтсіз аяқталды
Мисхат Фахрутдиновтың қоластындағы ойыншылар сапардың Қорғанда өткен соңғы матчында жергілікті "Зауралье" командасына қарсы тұра алмады
Алайда ЖХЛ кестесінде өздерінің 13-орнын сақтап қалды.
ЖХЛ-2018/2019 дәстүрлі чемпионаты аясында "Торпедо" "Зауралью" командасынан 0:2 (0:0, 0:1, 0:1) есебімен ұтылды.
Матч статистикасына сүйенсек, Соққылар: 53-45; Жармаға бағытталған соққы: 32-30; Гол: 2-0; Шайба тастау: 21-30; Айып: 6-6.
- Бізге сергектік жетпеген сыңайлы, - дейді команданың бас бапкері Мисхат Фахрутдинов. - Қарсыластар шапшаң қимылдады. Қарсы шабуылға шығып, ары қарай ойын барысын мұқият бақылап отырды. "Зауралье" жігіттері жақсы қорғана білді. Қорғанның командасы мықты, әркім өзінің міндетін жақсы біледі.