Спорт ШҚО құрамасы VI республикалық ұлттық спорт ойындарында 3-орынға ие болды
Шығысқазақстандық спортшылар Ақтауда өткен ҚР Президентінің жүлдесіне арналған VI республикалық ұлттық спорт ойындарына қатысты
Төрт күн бойы облыстың ең мықты 115 спортшысы 13 түрлі спорттық ойындар бойынша бақ сынасты.
Жалпыкомандалық ойында ШҚО құрамасы жалпы есеп бойынша 603 балл жинап, 3-орынға жайғасты. Волейболдан ерлер командасы ерекшеленіп, 72 балмен 1-орын алды. Ал әйелдер командасы 58 балмен 3-орында. Ал жағажай волейболында ерлер екінші болса, қыздар төртыншы орында.
Қазақша күресте Шығыстың палуаны 30 балмен 2-орынға жайғасса, үстел теннисінен қолаға ие болдық. Ал президенттік көпсайыста 17 балмен 2-орында. Спорттық бағдарлауда да 30 балмен осындай нәтиже.
Ал жалпы есепте астаналық команда жеңімпаз атанды. Ал Шымкент құрамасы 2-орында.