Спорт "Торпедо" пензалық "Дизельден" бір шайбы жеңіліп қалды
Жоғарғы хоккей лигасы ойындарында өскемендік Торпедо Ресейдің Пенза қаласына барып, жергілікті "Дизель" командасымен кездесті
Жергілікті команда өскемендік клубты бір шайбы артықшылығымен әрең жеңді, есеп – 4:3.
Осы ойыннан кейін "Дизель" турнир кестесінде 29-орыннан 26-шы орынға көтерілді.
Кездесудің басты фавориті өскемендік "Торпедо" болғаны белгілі. Өйткені қазақстандық ЖХЛ-сының алғашқы ондығына енетін мықты командалардың бірі. Алайда өз айдынында қонақтарды қабылдаған "Дизель" жанкүйерлерінің көңілін қалдырмады.
Алғашқы шайбыны жергілікті команданың ойыншылары ойын басталысымен, екі минуттың ішінде салып үлгерді. Бесінші минутта екінші гол кетті. "Торпедоның" бапкерлері ойыншыларды ауыстыру арқылы есепті теңестірді.
Ойынның үшінші кезеңінде есеп 3:3 күйінде тең болғанымен, 44-ші минутта алаң қожайындары гол салып үлгерді.
"Торпедо" енді Қазан қаласының "Барс" клубымен кездесуге аттанды.
Қазір өскемендік клуб ЖХЛ турнир кестесінде 9-шы орында.
