Спорт ШҚО балуандары Төртінші Халық ойындарында сәтті өнер көрсетті
Қазақ күресінен бақ сынаған шығысқазақстандық балуандар төрт жүлдені жеңіп алып, жалпыкомандалық есепте екінші орынды алды
Ақтауда ҚР Президенті Н.Назарбаевтың жүлдесі үшін қазақ күресінен республикалық турнир өтті.
Ал турнирге қатысқан шығысқазақстандық балуандар шығыс өңірінің қазақ күресі дамыған аймақтардың бірі екендігін тағы бір дәлелдеген. Жарысқа барған төрт балуанның үшеуі бас жүлдені алса, біреуі күміс жүлдені иемденген.
Атап айтар болсақ, 66 келіге дейінгі жеңіл салмақта Үржар ауданының тумасы Талған Тұрсынов, 90 келіге дейінгі салмақта семейлік Әсет Ахметжанов алтын алса, "түйе палуан" атағын Айбек Нұғымаров еншіледі. Ал 100 келіге дейінгі салмақта Әділ Оразбаев күміс жүлдегер атанды.