Спорт ҚР құрамасы қол күресі бойынша Азия чемпионатында үздік атанды
Жарысқа Қазақстан, Қытай, Қырғызстан, Үндістан, Иран, Монғолия, Тәжікстан, Өзбекстан, Жапония атлеттері қатысты
Армрестлингтен Азия чемпионаты Қырғызстанның Чолпон-Ата қаласында өтті. Қазақстандық онда түрлі дәрежедегі 367 медальға қол жеткізді.
Сайыстар ерлер мен әйелдер, жасөспірімдер мен бойжеткендер, ардагерлер мен мүмкіндігі шектеулі жандар арасында 121 салмақ дәрежесінде өтті. 517 қазақстандық атлет барлық салмақ дәрежесі бойынша сайысқа түсіп, 174 алтын, 142 күміс және 51 қоланы еншіледі.
Нәтижесінде ҚР құрамасы командалық есепте 1-орынға жайғасты. 2-орын 156 жүлдемен қырғыздарға тиді. Ал үштікті Өзбекстан қорытындылады. Олардың қоржынында 110 медаль. Бұл чемпионат азиялық армрестлинг тарихындағы үшінші Азия чемпионаты еді. Бұған дейін 2007 және 2017 жылы өткен.
