Қазақстан Баянауылда жазғы туристік маусым ашылды
Павлодар облысындағы туристік аймақта жаңа демалыс үйі ашылып, "Зип-лайн" аттракционы іске қосылды
Туристік маусымның ашылуына орай Баянауылда мерекелік концерт жоспарланған, деп хабарлайды "Қазақпарат" ХАА сайты.
Келушілер баянауылдық шеберлердің туындыларын тамашалай алады. Сонымен қатар, Жасыбай-Торайғыр 10 шақырымдық жеңіл атлетика марафоны өтеді.
- Демалушылар үшін катамаран, велосипед ұсынылып, атпен серуен ұйымдастырылады, - дейді аудандық спорт және туризм бөлімінің бас маманы Нұрқанат Дарим. - Әуе шарымен ұшу қызмет де бар. Бұл күні 250 орынға арналған "Золотые пески" демалыс үйінің және жаңа дәмхананың ашылу салтанаты болады.
Жалпы Баянауыл демалыс аймағында 54 демалыс үйі бар. Туристердің уақытын қызықты өткізу үшін түрлі ойын-сауық аймақтары ұйымдастырылған. Мәселен, арқан саябағы, ашық ауа аясындағы өрмелеу қабырғасы, әсерлі аттракцион.
