Спорт Айбек Нұғымаров Қазақстан Барысының қола белбеуін иемденді
Астана төріндегі «Барыс Арена» спорт кешенінде өтіп жатқан «Қазақстан Барысы» VIII республикалық турнирінде Айбек Нұғымаров қола белбеу иегері атанды
Ержан Шынкеев финалда «Әскер Барысы» Ерасыл Қажыбаевты аз ғана ұпай санымен ұтып, «Қазақстан Барысы-2018» атағының иегері атанды.
Ержан Шынкеев осыған дейін «Қазақстан Барысында» бір рет күміс белбеуді жеңіп алған болатын. Осылайша, Ержан Шынкеевке алтын белбеу мен алтыннан құйылған «тайтұяқ» және 25 млн теңге табысталды. Ал бапкері 3,5 млн теңгеге иелік етті.
Екінші және үшінші орынға сәйкесінше күміс және қола белбеу тапсырылды. ІІІ орын алған балуанға 1,8 млн теңге, ал оның бапкеріне 900 мың теңге табысталды. Ал ІІ орын үшін 5,5 миллион теңге, оның бапкеріне 1,8 млн теңге берілді.