Спорт Қазақстан әйелдер құрамасы Азия чемпионатында бокстан алты медаль еншіледі
Вьетнамда 2-8 қараша күндері бокстан әйелдер арасында Азия чемпионаты өтті
Чемпионатта Қазақстан құрамасы бір «алтын», бір «күміс» және төрт қола медальді қанжығаға байлады.
64 келіде бақ сынаған Мадина Нұршаева Қытай спортшысын жеңіп алтын медальді мойнына тақты. Бұл – оның құрлық чемпионатында еншілеп отырған алғашқы жүлдесі.
Ал 69 келіде күш сынасқан Валентина Хальзова күміс алды. Екі дүркін әлем чемпионы Назым Қызайбай (51 келі), Риода өткен Олимпиада ойындарында қола медаль алған Дариға Шакимова (75 келі), 2015 жылы өткен Азия чемпионатында жеңімпаз болған Мөлдір Базарбаева (81 келі) және әлем чемпионы Ләззат Күнгейбаева (81 келіден жоғары) қола медальді қанағат тұтты.