Астанада триатлоннан Қазақстанның ашық чемпионаты жеңімпаздарын марапаттау рәсімі өтті
ҚР Премьер-Министрі Бақытжан Сағынтаев триатлоннан Қазақстанның ашық чемпионатының қатысушыларына медальдарды табыстады
ҚР Премьер-Министрінің ресми сайтында хабарланғандай, бұл чемпионат Қазақстанда триатлоннан өткен алғашқы ауқымды іс-шара болды. Триатлон, мультиспорттық жарыс ретінде қоғамда дұрыс трендтердің қалыптасуына – салауатты өмір салтын дәріптеуге септігін тигізеді.
200-ге жуық кәсіпқой мен спорт сүйер қауым «Жартылай темір» қашықтықта үш кезеңнен тұратын жарысқа қатысты:
1,9 шақырым жүзу, 90 шақырым веложарыс, 21 шақырым жүгіру.
Бақытжан Сағынтаев Олимпиада чемпионы, «Астана» велокомандасының бас менеджері Александр Винокуровқа, Қазақстандық Триатлон Федерациясының вице-президенті, BI Group холдингінің басшысы Айдын Рахымбаевқа, сондай-ақ қашықтықты бағындырған алғашқы әйел қатысушы Нағима Керімбаеваға медальдарды табыстады.