Спорт ШҚО-да жағажай волейболынан ҚР чемпионатының ІІІ туры аяқталды
Зырян ауданының Жаңа Бұқтырма кентінде үш күнге созылған жағажай волейболы бойынша ҚР чемпионатының жеңімпаздары анықталды
Чемпионатқа ШҚО мен Алматы, Астана, Ақтау қалаларынан келген 70-ке жуық (23 жұп ерлер және 10 жұп әйелдер) спортшы қатысқан. Ұйымдастырушылар ойын алаңында еліміздің ең мықты деген волейболшылары бас қосқандығын алға тартуда. Аталмыш чемпионатта ережеге сай ерлер мен әйелдер жұптары жеке-жеке жарысқа түсті.
Сайыс қорытындысы бойынша қыздар арасынан Д. Рубилко, П. Кондрашина - І орынды, Д. Шингисова, В. Ифраимова - ІІ орынды, Т.Қайрбекова, М.Өтеулина - ІІІ орынды иеленіп, жеңімпаз атанды.
Ерлер арасынан сайыста өз шеберліктерін жоғарғы деңгейде көрсете білген жүлдегерлер қатары мынадай: А. Дьяченко, А. Сидоренко – І орын, Д. Яковлев, С. Богату – ІІ орын, А. Бабичев, А. Кулешов – ІІІ орын.
Ойын соңында сайысқа қатысушылар медальдар мен мақтау қағаздарымен және бағалы сыйлықтармен марапатталды.
