Спорт ШҚО-ға «Жібек жолы» ралли-марафонының жарысушылары келді
Әлемнің 40 елінен 150 жеңіл және жүк автокөліктерін мінген авто-мото спорт жұлдыздары Семейге келіп қойды
Бүгін кешкі сағат жеті шамасында қаланың орталық алаңында Халықаралық Раллиге қатысушылардың шеруі, мерекелік концерт пен жарыс автокөліктерінің көрмесі өтеді.
Ал ертең «Жібек жолы» Ралли-марафонның ашылуы ШҚО Үржар ауданында өтеді.
- Ұйымдастырушылардың хабарлауынша, раллиге «Жібек жолы» атауы еуропа жолын ескере отырып, оның Ұлы Жібек жолымен байланысын анық айқындау үшін қойылған, - дейді ШҚО Өңірлік байланыс қызметінде. - «Жібек жол» Раллиі – достас елдердің төңірегінде өтіп жатқан әлемдегі ең ұзақ және ең ауыр марафондардың бірі.
Халықаралық ралли басталуы 7 шілде күні Мәскеудегі Қызыл алаңда өтсе, аяқталуы Қытайдың ең көне астаналарының бірі Сиань қаласында 22 шілде күніне жоспарланған.
