Спорт Радиоспорттан Ресей кубогын жеңіп алды
Шығысқазақстандық Александр Кочергин радиоспорттан Ресей Кубогына қатысып, алтын жүлдеге ие болды
Мәскеу қаласында 21-26 маусым аралығында спорттық радиопеленгациядан Ресей кубогі өткен. Аталмыш жарысқа біздің отандасымыз, Азияның 11 дүркін чемпионы Александр Кочергин қатысып, алтын медальға ие болды.
- Мен спорттың бұл түрімен 1964 жылдан бері айналысып келемін. Енді Моңғолияда шілде айында өтетін Азия чемпионатына қатысуды жоспарлап отырмын. Шығыс Қазақстан облысынан 3 спортшы барады. Бұл сайысқа қатысуда ШҚО Дене шынықтыру және спорт басқармасы қолдау көрсетпек, - деді 70 жастағы Александр Кочергин.
Сондай-ақ, ағымдағы жылдың мамыр айында спорт ардагері Ресей біріншілігінде ойнатылған 4 алтын медальдің төртеуін де еншілеген еді. Отандасымыз қыркүйек айында Еуропа чемпионатына қатысуға ниетті.
