Спорт Қазақстан жалпы есепте 15-орынға көтерілді
Бүгін Бразилияның Рио-де-Жанейро қаласында өтіп жатқан Олимпиада ойындарында Қазақстан құрамасының қоржыны тағы екі медальмен толықты
Василий Левит (91 келіге дейін) Олимпиаданың күміс жүлдегері атанды. Ол бокс турнирінің ақтық сынында ресейлік Евгений Тищенкодан 0:3 (28:29, 28:29,28:29) есеп санымен ұтылды.
Ауыр атлет Александр Зайчиков (105 келіге дейін) қола медаль жеңімпазы атанды. Ол қоссайыстың қорытындысы бойынша 416 келіні (193+223) бағындырып, қолаға қол жеткізді.
Қазақстан құрамасының қоржынында 2 алтын, 3 күміс, 5 қола медаль бар. Жалпы командалық есепте 15-орынға көтерілдік.
Есеп бойынша АҚШ 26 алтын 22 күміс, 24 қола медаль жеңіп алып, жалпы есепте көш бастап тұр. 16 алтын, 17 күміс, 8 қола медаль еншілеген Ұлыбритания спортшылары үздік екілікте болса, үштікте 15 алтын, 14 күміс, 17 қола медаль жеңіп алған Қытай спортшылары келе жатыр.
