Оқиғалар ШҚО-да қар көшкіні жүрді
Катонқарағай ауданындағы тас жолды 2,5 мың текше метрге жуық қар жауып қалды, оқиға орнына құтқарушылар келді
Бүгін күндіз Согра-Барлық автожолының 16-шы шақырымында қар көшкіні түсті.
2400 текше метрге жуық қар көлемі жолды бірақ жауып қалды. Зардап шеккендер мен қаза тапқандар жоқ, - деді ШҚО ТЖД мамандары.
Осы орайда айта кеткен жөн, құтқарушылар көшкін жүру қаупі бар аумақтарды тікұшақпен барлайды. Бұндай барлау жұмыстары бүгін де жасалған.
ҚР ТЖМ "Қазәуеқұтқару" АҚ Ми-171 тікұшағымен Өскемен — Глубокое ауданы — Шемонаиха ауданы — Бородулиха ауданы бағыты бойынша қар үйіндісі мен өзен деңгейлері, сондай-ақ Ертіс өзеніндегі гидрологиялық жағдай тексерілді, - деп мәлімдеді ШҚО әкімінің орынбасары Нұржан Жұмаділов.
ҚР ТЖМ мамандары дайындаған жоспар бойынша өңірге су басу қаупі төнсе, арнайы күштер мен жергілікті атқарушы орган құралдары жұмылдырылады: 1 524 адам, 838 бірлік техника және 179 мотопомпа, сонымен қатар ШҚО ТЖД резерві: 431 жеке құрам қызметкерлері, 78 бірлік техника, 30 жүзу құралы және 176 мотопомпа.
Естеріңізге сала кетейік, Шығыс Қазақстан облысында дауылды ескерту жарияланған, қар көшкіні жүру қаупі 4 сәуірге дейін созылады.Төтенше жағдай туындаған жағдайда дереу 112 нөміріне қоңырау шалу керек.
