Оқиғалар 
ШҚО-да найзағайдың кесірінен орман өрті үш есе артқан
Жылдың басынан бері облыста 150 орман өрті болған. Оған себеп – найзағай.
Өрттің көпшілігі Бесқарағай, Бородулиха аудандары мен Семей қаласының маңында болған.
- Өртенген аумақтың көлемі аз. Мамандардың есебі бойынша өртенген аумақтың жалпы көлемі 150 гектар, - дейді ШҚО ТЖД өрт қауіпсіздігі саласындағы профилактикалық қызмет басқармасының басшысы Ринат Қондыбаев.
Өрттің орын алуына басты себеп құбылмалы ауа-райы. Өрттің көбі найзағайдың кесірінен болады. Тек үш жағдай ғана қасақана өрт қоюдың кесірінен болған. Материалды залал 7,5 есеге азайған.
Дала өртінің саны көбейген. Былтырғы жылмен салыстырғанда дала өрті 3 есеге көбейген. 560 өрт сөндірілген. Жергілікті атқару органдары 77 орман өрті мен 567 дала өртін өшіре алған.