Оқиғалар Дауыл кезінде жүкті әйелдің үстіне тал құлаған
Дүйсенбі күні болған дауылдан алған жарақаттардан травматологиялық орынға барлығы бес адам келген. Тұрғындардың аяғы сынып, жұмсақ тері зақымы және ашық жарақаттар алған
Өскемен қалалық №1 ауруханасы мамандарының сөзіне сүйенсек, дауылды желдің салдарынан жарақат алған бес адам дәрігерлердің көмегіне жүгінген. Олардың үшеуі әйел адам, ал екеуі ер адам.
- Бізге екі тұрғын жабық сынықпен келді, - дейді медициналық мекеме қызметкерлері. - Жүкті келіншектің үстіне Крылов көшесі бойында тал құлап кеткен. Алайда ол жеңіл жарақат алған. Ал ер адам дауыл кезінде қақпаны жабамын деп, қолын кесіп алған. Сонымен қатар, тыл ардагері жарақаттанып, өкпесі жарылып, реанимация бөліміне түсті.
Барлық зардап шеккен тұрғындар дәрігер көмегін алғаннан кейін үйлеріне қайтарылған, ал тыл ардагері аруханада жатыр.
