ШҚО-да сұрапыл дауыл электр қуатын сөндіріп, автокөліктерді зақымдады

Хабарласқандардың көбі үйлерінің шатыры ұшып кеткендігін және автокөліктерінің зақымданғандығына шағымданған.

ШҚО ТЖД баспасөз қызметі хабарлағандай, Глубокое, Жарма және Ұлан аудандарында, сонымен қатар облыс орталығында қатты дауылдың әсерінен электр жарығы өшіп қалған.

- «Қазгидрометтің» мәліметтеріне сүйенсек, Өскеменде желдің ұйытқуы секундына 24 метрге дейін жеткен, - дейді ТЖ мамандары. - Самар ауылында 25 м/сек, Зырян ауданындағы Селезенка ауылында 34 м/сек-қа дейін жеткен. Қазіргі таңда аудандық және қалалық ТЖ қызметкерлері әр келіп түскен қоңырауға байланысты ақпараттарды анықтап, оқиға орындарына шығуда.

Зардап шеккендер мен мерт болғандар туралы ақпараттар түскен жоқ.

ШҚО ТЖД мамандарды желдің ұйытқуы, бұршақ жауып, найзағай болуы мүмкін екендігі туралы синопиктердің болжамын халыққа жариялағандықтарын алға тартады. Одан өзге, алда келе жатқан ауа райының қолайсыз жағдайлары туралы ақпараттар мекеменің ресми сайтында да жарияланады.

Алайда, облыс тұрғындарының көпшілігі бұндай хабарламаларды алмағаны жасырын емес.