Оқиғалар 60 адам қар құрсауынан құтқарылды
Облыстағы жолдардың көбі қатты боран, желдің салдарына жабылып қалды. Алайда тұрғындарға бұл бөгет бола алмай, қала сыртына шығып кеткен
Апаттық-құтқару шаралары үш жол аймағында жүргізілді. Жарма ауданындағы Шар-Бақаршық тасжолында боран құрсауында қалған азаматтарға құтқарушылар көмегі қажет болды. Мамандар Шалабай елді мекеніне 48 ересек және үш баланы жеткізді. Тас жолда 16 жеңіл көлік пен жеті жүк көлігі қалып қойған.
Осы уақытта Семей-Өскемен тас жолы бойынан құтқарушылар үш адамды Привольное ауылындағы дәрігерлік-құтқару орнына жеткізген.
Осы сияқты Өскемен-Алматы тас жолында да өрт сөндіушілер жолда қалған азаматтарды Қалбатау ауылына дейін жеткізген.
Абырой болғанда, зардап шеккендер болған жоқ. ШҚО ТЖД құтқарушылары тұрғындарға боранды күні қала сыртына шықпау туралы ескертеді.
