Зика вирусымен күресу үшін 56 млн доллар керек

Ұйымның мәлімдемесіне сәйкес, аталмыш қаржы Зика вирусының таралуымен күресу үшін 2016 жылдың маусымына дейін есептелген. Мәлімдемеде хабарланғандай, тексеру жұмыстары физиологиялық сұйықтықтардағы Зика вирусының бар-жоғын, сонымен қатар, вирустың жыныстық жолмен берілуін анықтау үшін қажет. Жоспар бойынша жалпы қаржының 25 млн. долларын ДДСҰ есебіне аударылуы керек. Ол диагностика мен жылдам әсер ететін вакцина жасау мен вирусты тарататын масаларды бақылау үшін жұмсалады. ДДСҰ хабарлағандай, екпелерді толыққанды сынау бір жарым жылдан кейін басталады. Осыған дейін ұйым көктемнің келуімен Зика вирусының Еуропада тарау қаупі туындайтынын хабарлаған. Ол, негізінен, жүкті болуды жоспарлап отырған әйелдер үшін аса қауіпті. Өйткені ол сәбиде микроцефалияның пайда болуына әкеп соғуы мүмкін. Нәрестелер дүниеге келгенде басы кішкентай болып, миының дамуы бұзылады. Бразилияда бұл диагнозбен мыңдаған бала туды.