Оқиғалар Өткен демалыстарда 4 өрт оқиғасы орын алды
Төрт оқиғаның үшеуі пешті құрастыру мен пайдалану кезіндегі өрт қауіпсіздік талаптары қатаң сақталмағандықтан болды
Фото:
all-pix.com
16-қаңтарда «Восточник-5» саяжай бірлестігі аумағындағы саяжайлардың бірінің едені өртеніп, өрт ауданы екі квадрат метрді құрады.
Ал 17-қаңтарда Бартская көшесі бойындағы жер үйдің шатыры мен моншасы жанып кеткен. Өрт ауданы жеті квадрат метр. Екі оқиғаға да от жағу кезіндегі қауіпсіздік шараларына салғырт қарау себеп болған.
Сол күні Металлург көшесі бойындағы көпқабатты тұрғын үйдің есік алдында орналасқан көлікжайдан өрт шыққан. Сонымен қатар, өрт салдарынан іште тұрған Subaru Outback автокөлігіне зақым келді. Өртке қаупі жоғары агрегатты ұқыпты пайдаланбау себеп болған.
Сонымен қоса, 17-қаңтарда Рахманов көшесіндегі жеке тұрғын үйде тағы бір өрт оқиғасы тіркелді. 20 квадрат метрді құраған өрт ауданында монша жанып кеткен.
