Оқиғалар Жол-көлік оқиғасында екі адам мерт болып, төртеуі жарақаттанды
ШҚО-ның Тарбағатай және Ұлан аудандарында жүргізушілер жолда абайсыздық танытты
Фото:
360tv.ru
Табиғат шарты мен адами абайсыздық факторы екі адамды өмірінен айырды, деп хабарлайды ustinka.kz тілшісі.
16-қаңтарда Тарбағатай ауданында кешкі сағат тоғыздар шамасында болған жол-көлік оқиғасында Volkswagen Golf автокөлігінің жүргізушісі мен жолаушысы көз жұмды. 39 жасар жүргізуші жолдасымен Ақсуат ауылынан Ойшілік ауылына қарай бет алған көрінеді. Тас жолдың 24-ші км-де көлік тізгініне ие бола алмай, қарсы жолға шығып кеткен. Өз бағытына өтіп үлгермей, салонында жүргізушіден бөлек екі жолаушы отырған Daewoo Nexia автокөлігімен соқтығысқан. Nexia көлігінің жолаушылары әр түрлі жарақатпен ауруханаға жеткізілді.
Келесі күні сағат екілер шамасында Ұлан ауданында 52 жасар «КамАЗ» жүргізушісі Привольное ауылынан бес километр жерде 60 жасар ер адамды қағып кеткен. Зардап шегуші дереу емханаға жеткізілді.