Оқиғалар Риддерде өрт салдарынан 1 адам мерт болды
Риддерде қайғылы оқиға орын алды. Алты қабатты үйдің бірі өртке оранып, пәтерінен дер кезінде шыға алмаған 75 жастағы ер адам мерт болды
Фото:
mostizis.ru
17 желтоқсан күні сағат 00.33-де Свердолова 19 көшесінде орналасқан көпқабатты тұрғын үйдің бірі өртке оранды. Тұрғын үйдің екінші қабатындағы дәліздің сәндік ағаш құрылымдары өртенген.
Тілсіз жау үйдің 2 шаршы метрін қамтыған. Өрт сөндіру бөлімдерінің қызметкерлері келгенге дейін, тұрғын үйдің тұрғындары өрт орын алған жерден 75 жастағы ер азаматтың мәйітін тапқан. Сонымен қатар, көмірқышқыл газынан улану белгілері бар шамамен 75 жастағы әйел адам ауруханаға жеткізілді. Тілсіз жау ТЖД «Өрт сөндіру және авариялық-құтқару жұмыстары қызметі» күшімен сағат 00.47-де жойылды.
Авторы: Кенесова Аяулым