Қырғызстан мен Өзбекстан шекарасындағы екі ауыл жабылды

Баткен облысындағы Ақ-Сай - Тамдык автокөлік жолының құрылысы тәжік-қырғыз шекарасы маңындағы жанжалға себеп болды. Қақтығыс салдарынан екі тұрғын ажал құшып, оннан аса адам зардап шекті, деп хабарлайды Азаттық.

Наурыздың 15-і күні Баткен облысындағы Кок-Таш ауылында Қырғызстан мен Тәжікстанның үкімет делегациялары кездесті. Олар ең бірінші міндет - шекара маңындағы екі елдің тұрғындары арасындағы жанжалды тоқтату екенін, тек содан кейін ғана айналма жол құрылысы мен шекараны белгілеу мәселелерін талқылайтындарын айтқан. Бұл туралы Азаттықтың Қырғыз қызметіне Баткендегі кездесуге Қырғызстан делегациясын бастап барған премьер-министрдің орынбасары Жеңиш Разаков хабарлады. Тәжікстан делегациясына премьер-министрдің орынбасары Азим Иброхим жетекшілік етеді.

Соңғы екі күнде қырғыз-тәжік шекарасы маңында көршілес екі елдің тұрғындары арасында болған қақтығыстар салдарынан, ресми ақпарат бойынша, Тәжікстанның екі азаматы қаза тауып, екі жақтан жиыны оннан астам адам зардап шеккен.