ОҚО-да екі адам пойыз астына түсіп көз жұмды
Оқиға "Манкент-Састөбе" темір жол бекетінде орын алған. Қыз бала оқиға орнында тіл тартпай кетсе, ер адам ауруханада көз жұмған
Куәгерлердің айтуынша, ер адам темір жолды кесіп өтпек болған екі студентті құтқарып қалуға тырысқан, деп хабарлайды inform.kz Казинформ.
Алайда оларды құтқармақ болған ер адам өзі өлім құшқан. Студент қыздардың бірі оқиға орнында көз жұмса, екіншісі аман қалған. Желілік полиция қызметкерлері оқиға орнына келгенше, ер адам тірі болған. Ол ауруханаға жеткізілгенімен, «бауыры кесіліп», «ішіне қан кеткен», «бас ауыр жарақат алған» ер адамды аман алып қалу мүмкін болмады.
- Дәрігерлер оны емдеу үшін төтенше шаралар жасағанымен, екінші күні көз жұмды, - дейді жәрігер Баһадүр Павланов.
Ал екінші студент қыз аман. Куәгерлердің айтуынша, студент қыздардың құлағында құлаққап болған. Сондықтан олар пойыздың келе жатқанын естімей қалған.