Красноярскіде жол апаты болып, сегіз адам көз жұмды

Канск-Тасеево-Устье тас жолында болған оқиғадан бес ересек, үш бала қайтыс болды, деп хабарлайды Росбалт.

Алдын ала деректерге қарағанда, Honda минивэн көлігінің жүргізушісі қарсы бағытқа шығып КамАЗ жүк көлігіне келіп соғылған. Хонда көлігінің жүргізушісі мен жолаушылары – екі ер азамат, екі әйел және 17 жастағы қыз бен екі бала қаза тапты.

Полицейлер минивэн жүргізушісі жолаушыларды заңсыз тасымалдаған деген болжам жасап отыр. Оқиғаның мән-жайы әлі анықталатын болады.