Талдықорғанда «Аялдама» белгілерін алып тастады

Талдықорған қаласында "Қоғамдық көлік аялдамасы" деген он шақты белгі газ құбырларын тарту жұмыстарына байланысты алынып тасталды, деп хабарлайды КТК телеарнасының сайты. Бұл жолаушыларға қиындық тудыруда. Өйткені олар автобустардың қай жерге тоқтайтынын білмейді. Бірақ бұл жағдай автобус жүргізушілерінің жағдайын одан сайын қиындатып отыр.

Сан жылдар бойы жолаушылар тасымалымен айналысып келе жатқан жүргізушілер әр аялдаманы жатқа біледі әрі нақты сызбамен қатынайды. Жолаушыларды тиісті орындардан түсіріп, алып кетеді.

Белгінің жоқтығын пайдаланған жол полициясы тоқтаған автобус жүргізушілеріне айыппұл салуда. Ал автобустың қатынау маршруты картасының бар екені оларды қызықтырмайды да. 

Айта кетейік, арнайы белгілер бір айдан кейін бірақ қайта орнатылады.