Астанадағы балабақша тәрбиеленушілері тамақтан уланып ауруханаға түсті

Оқиға №36 "Балапан" балабақшасында орын алған. Алты тәрбиеленуші мен тәрбиеші, күтуші тамақтан улану белгілерімен ауруханаға түсті. Бұл туралы қала әкімінің баспасөз қызметкері Эльвира Жүргенбаева мәлімдеді.

Қазір оқиға орнында білім басқармасы мен қоғамдық денсаулық сақтау департаментінің қызметкерлерінен құрылған арнайы жұмыс комиссиясы жұмыс істеуде.

- Қазір улану салдары белгісіз. Сараптама нәтижелері белгілі болған соң, лайықты шаралар қолданылады, - дейді ол.