Өрттен 36 адам құтқарылды

Бейсенбі күні Сәтпаев даңғылындағы бес қабатты үйлердің бірінде өрт шықты

Оқиға орнына өрт сөндірушілер дереу жеткенде бірінші қабаттағы пәтерлердің бірін өрт шарпып кеткен екен. Үйдің 62 жастағы иесін күйік шалып, ес-түссіз жатқан. Өрт сөндірушілер азаматшаны алып шығып, жедел жәрдем қызметіне тапсырды. Өскемен қалалық ТЖБ баспасөз қызметінің ақпараттары бойынша, отқа салғырт қарау өрттің шығуына себеп болуы мүмкін.