Томск қаласында мигранттар бассыздық танытты

Екі мыңға жуық мигрнат Ресейде уақытша тұруға арналған тіркеу құжатын алу үшін көші-қон орталығының алдына жиналған. Алайда мамандар тек мыңға жуық рұқсат қағазды ғана бере алатындығын айтқан кезде, нағыз жүгенсіздік басталған, - деп хабарлайды Lenta.ru.

Ер адамдар әйелдерді, өзге әлсіз жандарды итеріп, алға, орталық есігіне қарай ұмтылған. Бұл бассыздың тоқтатпақ болған полицейлер дубинка мен электрошокер қолданып, шулаған қауымды ары қарай қуған.

Ал орталықтың алдына құжат алуға барған қазақстандық азаматша Камила Тохтахождаева әлеуметтік жеоіде жазба жариялап, жұрттың «ақылсыздығына» ашуын білдірді.

- Адамдар «малдар» сияқты. Тыңдауды білмейді. Полицейлер үш қадам кері шегініңдер деген кезде, керісінше, бәрі алдыға қарай ұмтылды. Қызметкерлердің өздері есіктен өткізбей қойды, - дейді азаматша.