Оқиғалар Алматыда базар өртенді
Бүгін таңертең Алматы қаласындағы «Барыс 4» базарының маңы өртке оранды. Ал өрт сөндірушілер базарға 10 минуттың ішінде келіп жетті
Базардың 900 шаршы метр аумағын өрт оранған.
- Өрт сөндірушілер базарға сағат 04:41 шамасында келді. Бұл бөлім өртті өшіре алмайтындығын білген соң, тағы да өрт сөндірушілер отрядын жібердік, - дейді қалалық ТЖ жөніндегі департамент өкілі Сандуғаш Баймұхамбетова.
Азық-түлік сақталған жеті контейнер өртенген. Өрт өршімес үшін базардағы бес газ баллоны сыртқа шығарылды.
Өрт сағат 05:40 шамасында өшірілді. Зардап шегушілер жоқ.
