Оқиғалар Шымкентте газ жарылып, әйел адам мен оның қызы өлім аузынан қалды
30 жастағы келіншек пен 6 жасар қызы ауруханада жатыр
Шымкент қаласында 19 желтоқсан күні сағат 07:15-те жаралыс болды, деп хабарлайды TVK телеарнасы.
Үйдің отағасы Қуаныш Сиқымбаев таңертең тұрып, гаражда тұрған көлігін оталдыруға кеткен. Ал үйде келіншегі мен екі қызы ұйықтап жатқан. Бір уақытта қатты жарылыс болып, әйелі мен 6 жастағы қызы далаға атып шыққан.
- Әйелімнің де, баламның үсті өртке оранған екен. Оны өшіруге жүгірдім. Ал үйдің кішісі төсектің астына тығылып қалған, ол дін аман. Жақында ғана көршіміз үйіне газ құбырын тартқан еді. Өкінішке орай, газ құбырын дұрыс орнатылмаған болуы мүмкін. Өйткені оны тартқаннан бері маңайдың барлығы газ сасып тұратын еді, - дейді отағасы.
Жарылыстың кесірінен үйдің бір қабырғасына терең сызат түскен. Ал үйдің отанасы Фатима қазір ауыр халде жатыр.
