«АрселорМиттал Теміртау» кәсіпорнында қаза тапқан краншы әйелдің туыстарына өтемақы төленеді

«Бүгін бас директор қаза болған жұмысшының отбасымен кездеседі. Біз міндетті түрде келісімге сай қаза болған маманның туған -туыстарына өтемақы төлейтін боламыз. Компанияның жұмыс барысында қаза болған мамандардың отбасына өтемақы төлеу міндеті бар, ол толығымен орындалады», - деді Роман Ильтьо. Компания өкілі әзірге берілетін өтемақының мөлшері мен оның қандай көмек түрінде болатыны жайлы ештеңе айта алмады. «Мен оның ақшалай өтемақы мен басқа да қаржылық көмек болатынын және жерлеу шығындары төленетінін ғана білемін» - деді баспасөз қызметінің жетекшісі. «АрселорМиттал Теміртау» кәсіпорнында шыққан өртте 45 жастағы краншы Ирина Каримурзаева мен тілсіз жауды ауыздықтауға қатысқан №14 өрт сөндіру бөлімінің маманы Тұяқ Уыпбаев қаза тапты. Тағы бі өрт сөндіруші Теміртау қалалық ауруханасының жан сақтау бөлімінде ауыр халде жатыр. Дәрігерлер 32 жасар Роман Балабашиннің жағдайы аса ауыр екенін айтты.