Delta авиарейсінің жолаушысы ұшқыш кабинасына кірмек болып үш адамды жарақаттады

Ұшақ АҚШ-тың Сиэтл қаласынан Пекинге бағытталған болатын.

Оқиға Boeing 767 ("Боинг-767") атты жолаушылар ұшағы орнынан қозғалғанда болған. Бүлік шығарушы ұсталды. Болған оқиғадан кейін ұшқыш қайтадан әуежайға оралған.

Ұшақ жергілікті уақыт бойынша сағат 19.40-та әуежайға қонған. Ұсталған күдікті Сиэтл қаласының полицейлеріне берілді. Екі жолаушы мен бір экипаж мүшесі жарақат алған. Алайда олардың жағдайы жөнінде әзірше деректер жоқ.