Оқиғалар Семейде Балаларды қорғау күнінде адамдар шолу дөңгелегінен шұғыл түсірілді
Балалардың ойын-сауық саябағында орналасқан адамға толы шолу дөңгелегі кенеттен қатты жылдамдықта айналған
«Семей автоәуесқойлар бірлестігі» өкілдерінің айтуынша, оқыс оқиға Балаларды қорғау күнінде, яғни, кеше күндіз орын алған.
Саябақ қызметкерлері шолу дөңгелегін дереу тоқтатқан. Оқиға куәгерлері орын алған жағдайды өздерінің ұялы телефондарына түсіріп алған. Онда шолу дөңгелегі тоқтағаннан кейін саябақтағы ер адамдар оны қолмен айналдырып, жоғарыда қалып қойған адамдарды түсіріп жатқандығы көрінеді.
- Бұл бірінші жағдай емес, - деді «Семей автоәуесқойлар бірлестігі» өкілі. - Екі жыл бұрын мен өзім осы шолу дөңгелегі тоқтап қалғанда үстінде қалып қойған болатынмын.
Естерңізге сала кетсек, аталған шолу дөңгелегі Семейдегі балалар саябағындағы ең ескі аттракциондардың бірі. Ал оны жөндеуден өткізе ме, ол жағы әлі белгісіз.
Видеоны «Семей автоәуесқойлар бірлестігі» ұйымы ұсынды.
Следующая →