Оқиғалар Конго Республикасында Эбола вирусынан 2 адам қаза болды
Конго Демократиялық Республикасы лабораториясы елде 20 адамның Эбола вирусын жұқтырғанын, ал 2 адамның қаза тапқанын растап отыр
Екі адамның қайтыс болғанын лаборатория дәлелдеп отыр, - дейді Бүкіләлемдік денсаулық сақтау ұйымының ресми өкілі Кристан Линдмайер.
Линдмайер хабарлағандай, 14 мамыр күні арнайы мамандар келіп, жағдайды зерттеген. Қазіргі уақытта ауруды таратпау үшін шаралар қолданылып жатыр.
- Кеше ешқандай адамнан ауру белгілері байқалмады, - дейді ресми өкіл.
Линдмайер вакцинация науқанының қажет емес екендігін, эпидемиологиялық зерттеу жұмыстары аяқталып қалғандығын айтады.
- Егер жаппай ауру тарайтын болса, онда вакцинация егілетін болады, ал қазіргі уақытта тек вациналарды дайындаумен шектеліп отырмыз, - дейді ресми өкіл.
Эбола вирусы 2014 жылы Конго мемлекетінде 9 адамның өмірін қиған болатын. Ал Шығыс Африкада 2014-2016 жылдар аралығында 28,6 мың адам аталмыш вирусты жұқтырған, оның 11,3 мыңы қайтыс болған.