Оқиғалар Францияда әкесі баласын тыныштандыру үшін электрошок пайдаланған
Монтпелье қаласының прокуратурасы баласын электрошок тапаншамен атқан жергілікті тұрғынды 8 айға шартты түрде қамау туралы үкім шығарды
«Франс бле» радиостанциясы хабарлағандай ер адам шулаған баласын «тыныштандыру» үшін осыған дейін бірнеше рет қарумен қорқытқан.
«Тым қатты шулаған» баласын тапаншамен кезекті рет қорқытқаны үшін 35 жасар француздың әйелі полицияға шағымданған, тіпті іс сотқа жеткен. Әйел баласын қорғамақ болған, алайда күйеуі оны бірнеше рет ұрып жіберіп, баласының қолына атып жіберген. Кейін тергеушілер алдында баласы жанұялық қақтығыстар барысында әкесінің бірнеше рет электрошокермен қоқытқанын айтқан. Ер адам болса жағдайдың бірінші рет орын алғанын пайымдауда.
Полицияда азаматтық тұлғаларға қолдануға тыйым салынған «В» дәрежесіндегі қару туралы әңгіме жүріп жатқанын айтқан. Францияда аталмыш қаруды үлкен шектеумен полиция және жандармерия қызметкерлері ғана қолдана алады. Мұндай қарулар адамдарды сал етерлік мың вольттық қуат шығарады. Ал келеңсіз жағдайлар орын алса тіпті адам денсаулығына зардабын тигізеді.
