Новаторов көшесіндегі тоғыз қабатты ғимаратта өрт орын алған, жалыннан 20 адам шығарылған

Новаторов көшесінде 11 мамыр күні тоғыз қабатты үйдің кіреберісінде өрт болған. Алтыншы қабаттағы терезе қатпары өрт астында қалды. Оқиға орнына жедел жеткен қаладағы №1 өрт бөлімінің өрт сөндірушілері ғимараттан 20 тұрғынды және екі баланы алып шығарды. От қатты шығын әкелген жоқ, себебі оны бастапқы сатысында сөндіріп үлгерді. Өртенген жердің аумағы бар болғаны 1 кв метр болды.

ТЖБ анықтаушыларының нұсқасы бойынша өрттің себебі сақтық шараларын қадағаламағандықтан болған. Өрт орын алған жерде темекі тұқылдары табылған. ТЖБ қызметкерлері, тұрғындарға қарапайым қауіпсіздік шараларын сақтауды өтінеді.

- Жеке адамдардың шылым шегіп тұрып, сіріңкелерді лақтырғанын және темекі тұқылдарын кез-келген жерге лақтырып жатқандығын жиі көруге болады. Сондай-ақ өте қауіпті болып табылатын, тыйым салынған жерлерде темекі шегеді. Шылымның қалдықтарын ағаштан жасалған заттарда қалдырады. Темекінің салдарынан келген өрт саны бір қарағанда аз көрінгенімен, өрт оқиғаларының басым бөлігін құрайды – деп қауіп туралы ескертті қалалық ТЖБ баспасөз-хатшысы Марина Лискова.