Бүгін таңғы 8-де Сограға қарай бет алған №6-шы автобус өртенді

Өрт «Винзауыты» аялдамасынан кейін орын алыпты.

- Мен автобустың арт жағында отырған едім. Түтін менің аяғымның астынан шыға бастады. Жолаушылардың бірі жүргізушіге жүгіріп барып өрт басталғанын жеткізген соң, от лаулағанын көрген барлық адамдар автобустан дереу шығып кетеді, - деді оқиға куәгері Андрей.

Жүргізуші бірден автобусты тоқтатып, жолаушыларды түсіріп жібереді. Қуанышқа орай, жолаушылардың ешқайсысы зардап шеккен жоқ. Қала тұрғындары жұмыстарына басқа рейспен барады.

Куәгердің түсірген бейнесінде жүргізушінің автобустың артындағы капотты ашқанда ішінен лаулаған от жалыны көрінеді. Жүргізуші өрт сөндіргіш пен су канистрінің арқасында отты өшіруге өз септігін тигізеді.