Оқиғалар Қазақстанда ӘМСҚ-дан 2,1 млрд теңге ұрланған
Алматы облыстық ауруханасын басқарған компания басшысы мен есепшісі қомақты қаржыны жымқырды деген күдікке ілікті
Алматы облысындағы аурухананы басқарған компанияның басшысы мен есепшісі өздеріне бағынышты ұйымдардан медициналық бұйымдарды көрінеу жалған сатып алған, деп хабарлады ҚР ҚМА.
ҚМА аумақтық Департаменті аса ірі мөлшерде ұрлық жасады деген күдік бойынша тергеу жүргізуде.
Айта кетейік, медициналық мекеме 2020 жылдың қазан айында сенімгерлік басқаруға берілді.
2020-2022 жылдар аралығында Әлеуметтік медициналық сақтандыру қорынан бөлінген 2,1 млрд теңгеден астам қаражат ұрланған, - деп мәлімдеді ҚР ҚМА.
Аталған тұлғаларға қатысты қамауға алу түріндегі бұлтартпау шарасы қолданылды.
Тергеу жалғасуда, ҚПК-ның 201-бабына сәйкес өзге де ақпарат жариялауға жатпайды.
