Оқиғалар Каспи банк бөлімшесін басып алған адам қалай жазаланады?
Банк бөлімшесінде бірнеше адамды тұтқында ұстаған ол 7-ден 12 жылға дейін бас бостандығынан айырылуы мүмкін
Естеріңізге сала кетейік, кеше, 18 маусымда сағат 13.51-де Астанадағы Достық көшесінің бойындағы "Каспи банк" филиалына кірген белгісіз тұлға, тапаншаға ұқсас затпен қорқытып 7 адамды кепілге алған, деп хабарлайды Устинка LIVE тілшісі.
Келіссөз жүргізгеннен кейін сағат 16.35-те арнайы жасақ қызметкерлері ғимаратқа шабуыл жасады. Жоспарланған операцияның нәтижесінде 30 жастағы ер адам ұсталып, кепілге алынғандардың барлығы босатылды. Кепілге алынғандар мен кепілге алушы зардап шеккен жоқ, - деді ҚР Ішкі істер министрі Марат Ахметжанов.
Оның айтуынша, аталған факті сотқа дейінгі тергеудің бірыңғай тізіміне ҚР ҚК 261-бабы 2-бөлігі "Адамды кепілге алу" бойынша тіркелді. Бұл бапта мүлкі тәркіленіп немесе онсыз, жетi жылдан он екi жылға дейiнгi мерзiмге бас бостандығынан айыру жазасы қарастырылған.
ҚР Қылмыстық-процестік кодексінің 201-бабы негізінде сотқа дейінгі тергеп-тексерудің өзге де деректері жария етілуге жатпайды.