Оқиғалар Арыз жазылмастан ұсталды
Автокөлік иесі полицей қызметкерлері айтпайынша өз көлігінің аккумуляторы ұрланғанын білмеген
Фото:
rg.ru
Қалалық полиция қызметкерлері Виноградов көшесі бойынан таңғы сағат 4-тер шамасында капоты ашық аккумуляторсыз көлікті анықтаған. Жақын маңды күзетіп жүрген топқа дереу хабар берген олар, қылмыскерді ізін суытпай іздеуге кіріскен, деп хабарлайды ustinka.kz тілшісі. Іздеу жұмыстары ұзаққа созылмай-ақ, полицей қызметкерлері екі күдіктіні қолға түсірген. 20 жасар және 22 жасар күдіктілер аккумулятор мен арнайы көлік ашу құралымен ұсталды.
Бағасы 35 мың теңге тұратын құрылғы өз иесіне қайтарылды. Тергеу барысында күдіктілердің тағы бір қылмыстық іске қатысы бар екендігі анықталды. Бір күн бұрын олар көпқабатты үйдің ауласында тұрған «Газель» автокөлігінің бензин багынан 50 литр жанармайын құйып алған. Қазіргі таңда мамандар күдіктілердің басқа да ұрлық ісіне қатысы бар-жоғын анықтап жатыр.
