Оқиғалар ШҚО-да төрт автокөлік соқтығысып қалды
ШҚО Макеев ауылы маңында орын алған жол-көлік оқиғасында екі бала зардап шекті
Фото:
Устинка
Кеше Өскемен-Семей тасжолында төрт бірдей көлік апатқа ұшырады. Бес адам, оның екеуі бала, түрлі деңгейдегі дене жарақатын алды, деп хабарлайды ustinka.kz тілшісі.
- Toyota жүргізушісі автомобиль тізгініне ие бола алмай, қарсы беттегі жолға шығып кетіп, Kia автокөлігімен соқтығысқан, - дейді ШҚО ІІД баспасөз қызметінің басшысы Бақытжан Торғаев. – Kia көлігінің жүргізушісі мен үш жолаушысы түрлі дене жарақаттарымен ауруханаға жеткізілді. Зардап шеккендер арасында сегіз және төрт жасар балалар бар.
Одан бөлек, апаттан тағы екі көлік зардап шекті.
- Toyota көлігінің артынан келе жатқан «BMW 316» және «ВАЗ-2114» автокөліктері дер кезінде тоқтап үлгермеген, - дейді Бақытжан Торғаев. – Автокөліктер зақымданғанымен, ішіндегілер зардап шеккен жоқ.
Жол-көлік оқиғасына қатысты ҚР ҚК 345-бабына сәйкес қылмыстық іс қозғалды, орын алған жағдайға қатысты тексеру жұмыстары жүргізілуде.