Оқиғалар ШҚО Глубокое кентінде мал ұрлаушы полицейді жаралады
Мал ұрлаған тұтқындалушы қолға түсер кезінде полицейді қолына бөтелкенің сынығымен жарақаттады
Фото:
twimg.com
Желтоқсанның басында Глубокое кентінің зейнеткерінен белгісіз жандар 12 қойды ұрлап, жарты миллион теңге көлемінде шығын әкелді. Глубокое кентінің АІЖБ полицейлері аталған істі үш адамнан тұратын мал ұрлаушылар тобы жасады деген ұйғарымға келді.
Екеуі бір-екі күннен кейін қолға түсіріліп, үшіншісі қашып кетті. Жақында ол қашқынның мекен-жайы анықталды. Қашқын Өскемен қаласындағы Гагарин желек жолындағы көпқабатты үйлердің бірінде тұтқындалды. Қашпақ болып үйдің терезесін сындырып та үлгерген. Сол сәтте ер адам полицейлердің біреуіне жарақат салды. Тұтқындалушыға қатысты ҚР ҚК бойынша қылмыстық іс қозғалды. Қазіргі таңда қашқын уақытша изоляторында.
Следующая →