Семей тұрғыны көліктерді айдап әкетіп, өртеп отырған

Ол 5-8 наурыз аралығында белгісіз біреулер есік алдында тұрған оның ВАЗ маркалы көлігін айдап әкеткенін мәлімдеген

Материалдық шығын 1 млн 600 мың теңгеге бағаланды. Осы жағдайдан кейін кезекші бөлімге тағы да осындай үш адам хабарласып, көліктерін белгісіз біреулер өртеп кеткенін айтқан. Тәртіп сақшылары дереу әрекетке көшкен.

- Жедел іздестіру жұмыстары кезінде криминалды полиция қызметкерлері ізін суытпай 24 жастағы жігітті тұтқындады. Полиция 5 наурыздан 6-сына қараған түні жігіт көлікті айдап кетіп, әдейі үш көлікті өртеп жіберген. Қолға түскен күдікті қылмысын мойындады. Өрт-техникалық сараптама тағайындалды, - деді ШҚО ПД басшысы Сағат Мәдиев.

Осы іске қатысты ҚР ҚК 202-бабы 2-бөлігі және 200-бабы 1-бөлігі бойынша сотқа дейінгі тергеу жүріп жатыр.