ШҚО тұрғыны аюды өлтіргені үшін қылмыстық жазаға тартылды

Тексеру қорытындысы ШҚО Орман шаруашылығы және жануарлар дүниесі аумақтық инспекциясында жарияланды, деп хабарлайды Устинка LIVE тілшісі.
Мекемеде хабарлағандай, 30 қыркүйекте таңғы сағат 9 шамасында Шемонаиха ауданы Большая Речка ауылынан солтүстікке қарай 7 шақырым жерде күнбағыс алқабының шетіндегі жергілікті тұрғын қоңыр аюды тауып алып, оны заңсыз атуға шешім қабылдады. Содан кейін ер адам қаңқаны кесіп, етті өзімен бірге алып кетті, ал жануардың басы, терісі, табандары мен ішектерін ағаштың бұтақтарының астына жасырды.

- Осылайша ол ҚР Қылмыстық кодексінің 337-бабының 1-бөлігінде көзделген "Айтарлықтай залал келтіре отырып заңсыз аң аулау" қылмыстық құқық бұзушылығын жасады, - деп түсіндірді аумақтық инспекцияда.

Мекеменің мәліметінше, 2021 жылғы 18 ақпанда Шемонаиха аудандық сотымен Большая речка ауылының тұрғыны қылмыстық құқық бұзушылық жасағаны үшін кінәлі деп танылды, оған сол мерзімге пробациялық бақылау белгілей отырып, үш жыл мерзімге әуесқойлық, спорттық, кәсіпшілік аңшылықпен байланысты қызметпен айналысу құқығынан айыра отырып, 1 жыл 6 ай бас бостандығын шектеу жазасы тағайындалды. Бір қоңыр аюды заңсыз ату салдарынан материалдық шығын 555600 теңгені құрады.

Инспекцияда әуесқойлық (спорттық) аң аулау аңшыда мынадай құжаттар болған кезде жүзеге асырылатынын еске салады:

• аңшы куәлігі;
• жануарлар дүниесін пайдалануға рұқсат;
• аңшылық шаруашылығы субъектісінің жолдамалары;
• аңшылық атыс қаруын қолдана отырып аң аулау кезінде – жеке тұлғаларға азаматтық қару мен оның патрондарын сақтауға және алып жүруге рұқсат.

ҚР Экология, геология және табиғи ресурстар министрінің жыл сайын бекітетін бұйрықтарына, жануарлар дүниесі объектілерін алып қою лимиттеріне сәйкес, аң аулау маусымында 2020 жылғы 1 шілдеден бастап 2021 жылғы 1 шілдеге дейін ШҚО аумағында қоңыр аюды алып қою лимиті 159 басты құрады.