Қазақстанда Қорғаныс министрлігінің генералы пара алғаны үшін айыпты деп танылды

ҚР Қорғаныс министрлігінің Кадрлар және әскери білім департаментінің бұрынғы бастығы генерал-майор Қайрат Көпбаев пара алғаны үшін сотталды

Бұл туралы Сыбайлас жемқорлыққа қарсы іс-қимыл агенттігінің баспасөз қызметі хабарлады.

- 2019 жылдың мамыр айында Көпбаевтың Ақтөбе қаласындағы "Т. Бигелдинов атындағы Әуе қорғанысы күштерінің Әскери институты" РММ-не офицерлік лауазымға тағайындағаны үшін 200 мың теңге сомасында пара алғаны анықталды. Ақмола гарнизоны Әскери сотының үкімімен Көпбаев мемлекеттік қызметте лауазым атқару құқығынан өмір бойына айыра отырып, 5 жылға бас бостандығынан айырылды, - делінген хабарламада.

Сонымен бірге, сот Қазақстан Республикасы Президентінің атына Көпбаевты генерал-майор әскери атағынан және "Құрмет" орденінен айыру туралы ұсыныс енгізеді.

Тақырыптар: Коррупция в Казахстане Кайрат Копбаев Министерство обороны РК