ШҚО-да КамАЗ қағып кеткен азаматша аман қалды

ШҚО Полиция департаментінің баспасөз қызметі хабарлағандай, оқыс жағдай 15 желтоқсан күні сағат 13.50-лер шамасында орын алған. Шемонаиха қаласының тұрғыны автожолға жүгіріп шыққанда оны жүк көлігі қағып кеткен. Мекемедегілер оның неге жолға жүгіріп шыққаны туралы мәлімет ұсынбады, бірақ азаматшаның көрер жарығы бар екен.

- Жол-көлік оқиғасы салдарынан 46 жастағы азаматша түрлі жарақат алып, Шемонаиха қаласының орталық аудандық ауруханасына жеткізілді, - дейді ШҚО ПД басшысы Сағат Мәдиев. - Азаматшаның алкогольдік ішімдікке мас болғаны анықталды.

Осы оқиғаға қатысты бірнеше сараптама тағайындалды, соның нәтижесі бойынша процестік шешім қабылданады.